Disdik Sumenep Alampa’aghi UNBK SMP Sareng Sederajat

oleh -41 views

SUMENEP, beritaLima – Katepathen kalaben dhina Senin tanggal 22 (dulekor) April 2019, Sadejeh sakola’an Sekolah Menengah Pertama (SMP) sareng se saderejhet bhekal angabithi alaksana’aghi Ujian Nasional Berbasis Komputer (UNBK) akadiye neng e kabupaten Sumenenep, Madura, Jawa Timur.

Ujian Nasional Berbasis Komputer (UNBK) ka angguy siswa SMP sareng sederajat ka’dintoh e lampa’aghi sa’abitte empa’ are (4 hari) dari thina Senin tanggal 22 – 25 April 2019.

Kabher ka’dintoh ejherbe’aghi sareng Plt Kepala Dinas Pendidikan Kabupaten Sumenep, DR. Muhammad Saidi, MPd, MM.


“Malar moghe tade’e alangan tor kendala sopaje UNBK kalampan kalaben sae”, ator Muhammad Saidi.

Minurot mantan dosen STKIP PGRI Sumenep panika, emot dari hasil epon simulasi se ampon kalampan sabelun epon, UNBK kalampan sae tor sobung alangan.

“Persiapan epon ampon siap saratos persen (100%), sae daratan otabe kepulauan, manabi deggik pas hari H mangghi halangan sareng kendala khusus neng e internet, maka lalampan Ujian Nasional Berbasis Komputer (UNBK) ka’dintoh, badhi elaksana’agiyeh UNBK offline”, caepon Plt Kadisdik Sumenep.

Minangka persiapan antisipasi gangguan ka’dintoh, dinas pendididikan Kabupaten Sumenep kerjasama sama sareng PLN ka angguy malares pasokan listrik, manabi ka’angguy jaringan internet, dinas pendidikan ampon koordinasi sareng pihak Telkom.

“Ka’aghem antisipasi sopaje proses UNBK panika lancar, panyo’on dek penyelenggara UNBK sopaje nyadiya’aghi mesin genset”, ca’epon Kadisdik Muhammad Saidi.

Ka angguy ekaoningih, monitoring Ujian Nasional Berbasis Komputer (UNBK) badhi epantau sareng Wakil bupati Sumenep Achmad Fauzi. “Monitoring Ujian Nasional Berbasis Komputer (UNBK) SMP dan yang sederajat bhedi elampa’aghi sareng wakil bupati Sumenep Achmad Fauzi”, saka’dintoh pamator Muhammad Saidi.

Kalampan sareng data e Dinas Pendidikan Kabupaten Sumenep, pelaksana UNBK SMP sederajat tahun 2019 langkong 88 lembaga se e ereng sareng 170 SMP sederajat. Manabi jumlah peserta (siswa) langkong 6.839 siswa, Kalaben rincian, Mured lake’ langkong 3.650 sareng Mured bini’ bennyak epon 3.189. siswi.

(An)